مع الأيام / بقلم محمد مبارك

(مع الأيام)

بنتغير مع الأيام
ونتبارز مع الأحلام
نعد خطاوى سكتنا
نلاقى عينينا ما بتنام
فـ نرمى الماضى والذكرى
ونرمى الحمل على بكرا
ننام .. نصحى على الفكرة
نقول احنا نسينا تمام
تقوم تقابلنا اغنية
فـ شارعنا .. فـ رنة حد
 أو حتى فـ عربية
فـ كلماتها تفكرنا
فـ طعم الذكرى يغمرنا
ويحضننا
ويقتلنا
فـ نعرف انه لو متنا
مفيش جوا الوجع نسيان
ولو حتى بنتغير ونتحير مع الأيام

✍️"محمد مبارك"