وطني /بقلم سمير مقداد

وطني .....
يا نبعةَ روتنا
بمياتا
يا شجرة حمتنا
بفياتا
وطني....
يا عطر السوسنةِ
يا قصيدة انهديت
لصبية
ب" انتي الوطن"
معنونةِ
يا عبق الياسمين
يا ذكريات في ألوبنا
مدوّنةِ
وطني....
ياشجر الحور
و الكينا
محفورة عليها
ألوبنا  و اسامينا
وطرقات تعبت
فيها خطاوينا
و سنين مشينا
و شو مشينا
بالحب و الوفا
شو حكينا
بالشوق ع فراق
الحبايب بكينا
وطني ....
شو نفع البكي
والغربة سرقت
كل الحكي
سرقت الطفولة
التاريخ و البطولة
و الروح صارت
مقتولة
سرقت مناالفرح
يلي كان
خربشاتنا ع أبواب
و حيطان
الغمزة  و البسمة
و ضحكات بنت
الجيران
لماتنا في كل
سهرية
و حكايا ستي
لأيام زمان
وطني.....
يا حمامة رفرفت
بغصن زيتونة
مارح تقتلك نيران
حروبهم المجنونة
رح  أرجع
ضمّك بلهفة
ضمة مشتاق
يا أمي الحنونة
يا أمي الحنونة

سمير . ع . مقداد