عريسنا الغالي بقلم :د ملك محمود الاصفر

زجل عامي بعنوان
عريسنا الغالي
 أهديه إلى سمير الصياد صديق نجلي وعروسه سارة عليا بمناسبة الزفاف والمصادف بتاريخ 30/3/2019
وألف مبارك للعروسين وبالرفاء والبنين
...............................................................................
سمير الصياد يا عريسنا الغالي
راسك مرفوع خلي جبينك بالعالي
نحنا جايين عالعرس بدنا نهني
ونضوي شموع تنور عتم الليالي
.......................
سارة عليا أميرتنا الجميلة
بفستان العرس متل زهور الخميلة
سحرت لقلوب وقت لطلت بالصالة
بقدا المياس وعيونا هالكحيلة
........................
ويا أم سمير بالزغرودة لاقينا
وافرشي زهور وجيبي القهوة واسقينا
إبنك سمير زينة شباب الحارة
شهم وأمير وأديش غالي علينا
.........................
وشوف يا سمير بدي وصيك وصية
شريكة حياتك عاملها بالحنية
لا تأسى عليها وكون إلها عون وسند
أدي الرسالة وكون قد المسؤولية
.........................
وإنتي يا سارة كوني إلو الصديقة
وكوني ودودة وخليكي معو رقيقة
واحفظي سرو إياكي يطلع برة
وخليلو بيتك جنة ومتل الحديقة
..................................................
د . ملك محمود الأصفر